Çagalar We Ýaşlar (#11924)

Hu’Alla!
    Eý Taýsyz Taňry! Bu süýt emýän çagany Öz enaýat göwsüňden emdir, Öz gorag we hemaýat sallançagyňda sakla hem oňa Öz Rähmet gujagyňda terbiýe ber.

-`Abdu'l-Bahá
-----------------------

Çagalar We Ýaşlar (#11926)

Hu’Alla.
    Ýa Reb! Ýa Reb! Bir ýaş çaga men. Mähir göwsünden emdir we muhabbet gujagynda ösdür. Hedaýat mekdebinde tälim ber we enaýat saýasynda terbiýe kyl. Çyrany otla, tümlükden gutar. Solgunlykdan halas et, bakjanyň gülüne öwür. Öz dergähiň işiginiň bendesi eýle, Maňa dogrularyň gylyk-häsiýetini bagyş et. Ynsanlar jahanyň guwanjy bolsam, Ebedi diriligiň täjini geýdir. Sensiň Gudratly we Başarjaň. Sensiň Eşidiji we Görüji.

-`Abdu'l-Bahá
-----------------------

Çagalar We Ýaşlar (#11927)

Barhudaýa! Bir bigünä çaga men. Penaňda sakla, ýalka, Merhemet eýle, terbiýe ber. Bol durmuşda ösdür. Sen maňa şeýle bir zehin ber ki, Melekuty bolaýyn, Ylahy bolaýyn, ruhany bolaýyn, nurana bolaýyn. Sensiň Başarjaň, Güýçli we Mähriban.

-`Abdu'l-Bahá
-----------------------

Çagalar We Ýaşlar (#11925)

Hu’Alla.
    Barhudaýa! Bu nowjuwany nurana kyl, bu binowany nowaly eýle. Seniň penahyňda günälerden goranyp, Seniň emriň hyzmatynda bolup biler ýaly, Oňa ägälik bagyş et hem oňa her säher ýaňadan kömek ber. Goý ol gümralary hedaýat etsin we biçäreleri delalat etsin. Ýesirleri azat etsin, gapyllary oýaryp, olara Seniň ýadyňy we zikriňi öwretsin. Sensiň Gudratly we Başarjaň.

-`Abdu'l-Bahá
-----------------------

